In un bomvolle kantine is Thuur Peeters oetgeroope toet Prins Thuur d’n iërste van vv Belfeldia.
Thuur is 23 jaor en sjudeert biomedische wetenschappen in Utrecht. Hae trapt waekelijks met veul plezeer un belke in “ut Twed” van Belfeldia. Dao luustert hae nao de prachtige beejnaam “Träötje”, verneump nao ziene angere groëte hobby namelik meziek maake. Hae is lid van Harmonie Kunst na Arbeid as trompettist. Verder sjpeult d’r nach beej Joekskapel Beejein veur de Geijn en Neet Nao Hoës Te Kriëge.
Thuur haet ‘n breurke en zuske, Stas en Lukie. Netuurlijk bliëf zonne knappe vent neet lang allein. Ozze hoëgheid woënt saame met Maud in Nijmegen, maar is vreejwaal idder weekend in Belvend te vinge. (Biëtje wie Lex J, allein den in Belvend)
Ut is neet d’n iërste kiër det d’r de Vatelaoves-kér trekt: As jongk menke waas d’r al KOW Prins en later auch Prins op ’t Bouwersbal. Pap waas in 2000 Belhamelprins en Maud jaore dansmerietje. Wie veul miër Vastelaoves-blood kens se hebbe?
Weej winse Prins Thuur d’n iërste een geweldige tiëd as hoëgheid van os klupke. Alaaf!!